Aghis, Tieris, Int

Descrizione

«Tignint cont des indicazions rivadis de prof: Schiavi si son metudis lis fondis di une struture articolade di itineraris di lavôr leâts adun de otiche comune dal plurilinguisim, cuntun implant metodologjic e pedagogjic viert ae inovazion e ae ricercje sul cjamp.
Il prin nucli di ideazion e di riflession su lis liniis gjenerâls dal Progjet si è dât dongje dibot tra lis docentis che a vevin condividût la esperience dal cors di formazion te Universitât e po dopo a chestis si son zontâts altris docents referents di Scuelis diferentis.
Si è duncje dade dongje la trame dal Progjet “Aghis”, denominazion sielte tant che element tematic , fonts comun di une complesse e siore realtât di scuelis, di teritoris, di comunitâts. Il Progjet si è inviât tal concret cun no pocjis dificoltâts, prime tra dutis la dibisugne di coinvolzi tancj docents intune imprese che e domandave disponibilitât ae ricercje, al confront, al inzornament, ae documentazion e valutazion dal procès educatîf.
A chest si zontavin lis dificoltâts tal doprâ e te cognossince de lenghe furlane di bande di tancj docents, massime parcè che a vegnin di areis gjeografichis diviersis di chê regjonâl.
Organizâ e prontâ un plan comun a nivel metodologjic e didatic e je stade la fase plui significative e delicade, parcè che e à permetût di meti in evidence i elements di specificitât di chest Progjet.
Vincint la logjiche de classe e de sede scolastiche, un grup di scuelis de Provincie di Udin, si è metût in zûc par sperimentâ materiâi e propuestis didatichis educativis daûr di finalitâts che si podeve rivâi doprant la lenghe tant che mieç di insegnament e cuntune azion di riflession e di studi vierte al confront tra plui lenghis.
A son stâts fats tancj percors didatics che a àn cjapât dentri plui contignûts e cjamps dissiplinârs, li che si è privilegjade la lenghe “vivude”, la lenghe dal “fâ”, la lenghe di “significâts”.
I progjets “Aghis” e po dopo ” Tieris” e ancje ” Int” , come che a son stâts pensâts, a àn dât la pussibilitât di coinvolzi ducj i fruts des scuelis, di là de sielte opzionâl de lenghe furlane, parcè che la lenghe furlane e à puartât cun se esperiencis vivudis e contignûts cun modalitâts interdissiplinârs e multidissiplinârs, in armonie cu la programazion curicolâr di ogni classe.
Il lavorâ e il progjetâ intune tra docents e je stade une esperience faturose ma costrutive.
Chest cjaminâ lavorant di trê agns al à cjapât dentri tantis personis : arlêfs, esperts, fameis,docents.
Al è stât par ducj une ocasion di incuintri , di scuvierte, di cressite cun umiltât di noaltris docents che o vin crodût in cheste sielte e che o lin indenant a lavorâ cul entusiasim di îr.»
gjavât fûr de Relazion introdutive “Un pocje di storie e di memorie dal nucli di docents referents dal Progjet”
Informazions in plui
Autor furlaninreet
Anade     2005
ISBN     8
Lenghe     Furlan
Pagjinis     120